Жұмысшылар дауына байланысты «Астана ЭКСПО-2017» мәлімдеме жасады
EXPO аумағына кіретін ТЭЦ-3 құрылысын жүргізіп жатқан жұмысшылар жалақыларын ала алмай отыр деген дауға байланысты "Астана ЭКСПО- 2017" Ұлттық компаниясы ресми түрде мәлімдеме жасады.
Ұлттық компания "Астана ЭКСПО-2017" көрме кешенінің, оның құрамдас бөлшегінің құрылысымен және қонақтарды шақырумен айналысады.
"Астана ЭКСПО-2017" ҰК" АҚ БАҚ өкілдері хабарлағандай ТЭЦ-3, әкімшілік блок және асхана секілді нысандардың құрылысын жүргізіп жатқан жоқ. Яғни, сәйкесінше ЭКСПО аумағында ешқандай ТЭЦ-3 құрылысы жүргізілмейді.
"Тілшілер атаған нысандардың ЭКСПО-2017 көрмесіне еш қатысы жоқ екенін айтқымыз келеді. "Астана ЭКСПО-2017" нысандарының құрылысы кесте бойынша уақытынан кешікпей жүргізіліп келеді және жұмысшылардың жалақысын бермей қою мәселесі болмаған", — деп атап өтті Ұлттық компания.
Еске сала кетсек 10 желтоқсан күні 31 арна тілшілері "ЭКСПО-2017" нысандарын салуда дау-дамай пайда болды деп ақпараттық сюжет жариялаған болатын. Онда EXPO аумағына кіретін ТЭЦ-3 құрылысын жүргізіп жатқан жұмысшылар жалақыларын ала алмай отыр делінген еді.
Новости Казахстана
3