Тестохикли

Қазақстанның басым бөлігінде сенбі күні қар жауады. Кей жерлерде тұман түседі, көктайғақ болады, бұрқасынды желдің екпіні күшейе түседі, деп хабарлады "Қазгидромет".  

Алматы облысындағы Жалаңашкөл ауданында желдің күші 20-25 м/с-қа, ұйытқуы — 30 м/с-қа жетеді.

Ақмола, Қостанай, Солтүстік Қазақстан, Қарағанды облыстарында желдің күші 15-20 м/с-қа, кей жерлерде ұйтқуы 23-25 м/с-қа дейін күшейіп, бұрқасындатады.

Атырау, Ақтөбе, Шығыс Қазақстан облыстарында кей жерлерде желдің екпіні 15-20 м/с болып, бұрқасын көтеріледі. Жамбыл облысында кей жерлерде тұман түседі, көктайғақ болады, желдің күші 15-20 м/с.

Оңтүстік Қазақстан, Маңғыстау облыстарында кей жерлерде тұман түседі, күндіз жел 15-20 м/с-қа дейін күшейеді. Қызылорда облысында кей жерлерде желдің күші 15-20 м/с.

Павлодар облысында жел 17-22 м/с-қа дейін күшейіп бұрқасындатады.

Новости Казахстана