Тестохикли

"Қазақстан темір жолы" ҰК" АҚ вице-президенті болып Берік Қамалиев тағайындалды. Бұл туралы ұлттық теміржол тасымалдаушының баспасөз қызметіне сілтеме жасап Қазақстан жаңалықтары хабарлайды.

Берік Қамалиев

"Қазақстан темір жолы" ҰК" АҚ президентінің 2015 жылғы 30 қаңтардағы бұйрығымен компанияның вице-президенті болып Қамалиев Берік Сайлауұлы тағайындалды", — деп ақпараттандырды ҚТЖ-да.

Берік Қамалиев 1960 жылы 13 қарашада Қарағанды облысында туған. Қарағанды политехникалық институтын инженер-құрылысшы мамандығы бойынша, Қарағанды мемлекеттік университетін экономист мамандығы бойынша, сондай-ақ Ресей Федерациясы президенті жанындағы Ресей мемлекеттік қызмет академиясын менеджер мамандығы бойынша бітірген.

Еңбек қызметін әскери бөлімнің құрылыс-монтаждық учаскенің прорабы болып бастаған, 1990 жылдары жеке бизнесте, бірқатар компанияларды басқарған.

"Қазагропромтехника" облыстық бірлестігі төрағасының орынбасары болып қызмет атқарған, 2001-2004 жылдар аралығында Қарағанды автомобиль жолдары облыстық басқармасының бастығы, Көлік және коммуникация министрлігі Көліктік инфрақұрылымды дамыту комитеті басшысының лауазымдарын атқарған.

2006 жылы Қарағанды облысы әкімінің орынбасары, одан кейін Қарағанды облысы әкімінің бірінші орынбасары болып тағайындалған. 2009 жылдың басынан бастап "Сары Арқа" әлеуметтік-кәсіпкерлік корпорациясы басқармасының төрағасы қызметінде болды.

2010 жылғы сәуірде Индустрия және жаңатехнологиялар вице-министрі, 2011 жылдың сәуірінен бастап Көлік және коммуникация министрі болып қызмет етсе, 2012 жылдан бастап премьер-министрдің кеңесшісі болып тағайындалған.

Экономика ғылымдары кандидаты ғылыми дәрежесіне ие. Бірқатар ғылыми басылымдардың авторы. "Құрмет" орденімен марапатталған. Еске сала кетейік, "ҚазАвтоЖол" ҰК" АҚ басқармасының бұрынғы төрағасы басқа жұмысқа тағайындалуына орай лауазымынан босатылған болатын.

Новости Казахстана