Алматы облысының тұрғыны 14 млн теңгені ұрлап кеткен
Полицейлер алаяқтықпен айналысқан Талғар азаматын анықтады. Оның тұрғындарға келтірілген шығынының көлемі 14 миллион теңгеге бағаланды.
Облыстық ІІД баспасөз қызметінен хабарлағандай, қылмыстық тергеу материалдарында жапа шеккен төрт тұлғаның шағымы бар екен. Істі тергеу Қарасай АІІБ тапсырылған.
Нәтижесінде 44 жастағы Талғар тұрғыны 2013 жылы Жамбыл облысының тұрғынына жасалған қылмысқа күдікті ретінде ұсталған.
Шағымданған азамат полицейлер ұйымдастырған шарада сезіктіні танып, алаяқ 15 ірі қарасын қолды еткенін айтты. Облыстық ІІД хабарлағандай, тергеу барысында Жамбыл облысының тағы 3 адамын жапа шеккені белгілі болды.
Полиция 2014 жылы Қарасай ауданындағы базарлардың бірінде, күдікті жапа шегушілердің 45 жылқысының етіне оларды алдау арқылы ие болғанын анықтады.
Бүгінде аталған фактілер бойынша келтірілген шығын 14 миллион теңгені құрап отыр.
Қарасай АІІБ қызметкерлері ұсталғанның 2013-2015 жылдар аралығында Алматы облысында тіркелген өзге де осыған ұқсас қылмыстарға қатысы бар не жоқ екенін тексеруде.
Новости Казахстана
5
