СҚО-да 39 адам қар құрсауында қалып қойған
Солтүстік Қазақстанда қар құрсауынан 39 адам құтқарылды. Бұл туралы СҚО Төтенше жағдай департаментінің баспасөз қызметі хабарлады.
18 қаңтарда Қызылжар, Есіл аудандарында көліктердің омбы қарға батқан 3 жағдайы тіркелді. Оның ішінде 39 адам бар 12 автокөлік (көпшілігі жеңіл көлік) қар құрсауында қалған.
СҚО Төтенше жағдай департаменті үйлестірілген жұмыс нәтижесінде қажетті техниканы тарта отырып, әкімдік, жедел ден қою жасағы, жол полициясы күштері адамдарды қар құрсауынан құтқарып, жолдарды тазалаумен айналысты.
Қаза тапқандар мен адамдардың үсіп қалу фактілері тіркелген жоқ.
Новости Казахстана
Ноя
11
11