Тестохикли

Сенатор Дулат Құсдәулетов үкімет пен тиісті меморгандар "Жол қозғалысы туралы" заңның баптары мен жол қозғалысының жаңа ережелерін түсіндіру жөніндегі талаптарды орындаған жоқ деген пікірде.

"Аса резонансты мәселелер тұтқыр құрылғылар – автокреслолардың орнатылуын, жол полициясының қызметкері тоқтатылған көлік құрылғысына жақындауы міндетті уақытты, жол қозғалысының қауіпсіздігіне әсер ететін қосымша жабдықты, көлік қаңқасына аэрография салуды, қобдишаның жаңа құрамына және т.б. қарастыратын нормаларға қатысты болды. Әрі бұқаралық ақпарат құралдары мен ғаламтор ресурстарындағы қоғамдық пікір мониторингі бұл проблемалардың барлығының себебі парламент депутаттарының қабылдап отырған сапасыз заңдары болып табылады-мыс дегенге саяды. Солай ма еді? Әлбетте, олай емес", — деді Құсдәулетов бейсенбі күні палатаның алқа отырысы барысында премьер-министрге сұрауымен жүгініп.

Ол парламенттің қабылдайтын кез келген заңнамалық актісі қойылатын барлық талаптарға сәйкес келетінін, мемлекетте пайда болған өзекті қоғамдық қатынастарды реттейтінін және халықаралық стандарттарға жауап беретінін атап өтті.

"Заңды бекіту кезінде парламенттің үкіметке не үшін жарты жылдық мерзім бергенін еске түсірейік. Егер үкіметтің бұл заң нормаларын қолдануға әзірленуге арналған негізді өтініші болса, одан да көп бере алатын едік, ал ол бүгінде наразылық тудырып отыр. Ол жарты жыл тиісті мемлекеттік құрылымдардың ұйымдастырушылық, техникалық, түсіндірмелік және басқа да әзірлік амал-шараларын қабылдап алуы үшін, атқарушы органдарға берілді", — деп хабарлады Құсдәулетов.

"Дайындық кезеңінің ендігі жоғалтылғанын және ештеңенің жасалмағанын, ал заңның күшіне енгенін және оны орындау керек екенін ескере отырып, аталмыш нормаларды кезең-кезеңдеп енгізудің ережелерін жасау қажет, дәлірегі – техникалық, ұйымдастырушылық, түсіндірмелік шаралардың даярлық, техникалық қауіпсіз құрылғылармен, соның ішінде автокреслолармен қамтамасыз етілу санаты есебімен, сонымен бірге бірінші кезекте осы құрылғылармен жабдықталуы тиіс автокөлік санаттарына сараланған тәсілді қолдана отырып, сондай-ақ бұл талаптар мүлде қолданылмауы тиіс автокөліктердің тізімін анықтап алу керек", — деп есептейді депутат.

Мұнымен қатар, оның ойынша, жолдардың жағдайын, қозғалыстың тығыздығы мен елді мекендердің санатын да ескеру қажет.

"Жол полициясы қызметкерлерінің кәсіби даярлығына айрықша назар аудару қажет, қайта аттестациялауға дейін – тек заң талаптарын білгеніне емес, сонымен бірге азамат құқықтарының заңмен қорғалуын сақтауына да", — деп баса айтты ол.

Новости Казахстана