Интерпол Украинаның экс-президенті Януковичке іздеу жариялады
Украинаның бұрынғы президенті Виктор Янукович ресми түрде халықаралық іздеуде, делінген интерполдың ресми сайтындағы хабарда.Виктор Янукович. Фото: РИА Новости. Сергей Гунеев
"Януковичке ұйымдасқан қылмыстық топпен жасалған өзгенің мүлкін иемденді, аса ірі көлемде жұмсады деген айып тағылуда", — делінген interpol.int сайтындағы хабарда.
Бұған дейін интерпол дәйектердің жетіспеушілігі салдарынан Виктор Януковичке іздеу жарияламағаны хабарланады.
2014 жылдың наурызында Украина Януковичті экстрадициялауға арналған барлық құжаттарды әзірледі және интерполға оны халықаралық іздеуге салу өтінішімен жүгінген.
Виктор Янукович бірқатар қылмыстарды жасады деп айыпталуда, атап айтқанда, тәуелсіздік Майданында орын алған бейбіт азаматтардың жаппай өлтірілу дерегі бойынша, ақша жымқыру дерегі бойынша, Украинаның аумақтық тұтастығына қол сұғушылық дерегі бойынша және 2010 жылы Украина конституциясын бейконституциялық өзгерту дерегі бойынша.
Новости Казахстана
11
