Гүзел Манюрова ұлттық құраманың бас бапкері қызметінен кетті
Әйелдер күресінен Қазақстан ұлттық құрамасының бас бапкері болып жастар құрамасының бапкері Қайрат Сағадиев тағайындалды.
Бұл туралы грек-рим, еркін және әйелдер күресі федерациясы хабарлайды.
Ал Лондон Олимпиадасынан бері аталмыш қызметті атқарып келген Гүзел Манюрова жаттыға мен жауапты жұмысты қатар алып жүрудің қиын екендігін айтады.
«Бұл – алқаның шешімі. Спортшы бола тұрып бапкерлікті қатар алып жүру оңай емес. Алдыма 2016 жылғы Рио Олимпиадасында табысты өнер көрсетемін деп мақсат қойдым. Сол жолда барымды салып еңбек етуім керек», — дейді Гүзел Манюрова.
Жастар құрамасын баптап келген Қайрат Сағадиев қызметтік өтілінде біраз жетістікке қол жеткізіп үлгерген.
Естеріңізде болса, Сағадиев шәкірттері Азия чемпионатында 5 медальмен 2-орыннан көрінсе, ал әлем біріншілігінде екі медальге иелік еткен болатын.
Новости Казахстана
6
