Теміртауда жол апатында полиция қызметкері қаза болды
Қарағанды облысында полиция қызметкерінің өліміне әкеліп соқтырған жол оқиғасы бойынша қылмыстық іс қозғалды. Бұл туралы аймақтық ІІД-нің баспасөз қызметіне сілтеме жасап Қазақстан жаңалықтары хабарлайды.
Адам өліміне әкеліп соқтырған жол-көлік оқиғасы Теміртауда жаңа жылдың алдында болған.
Хабарламада Бейбітшілік даңғылындағы үйдің қасында Porsche Cayenne көлігінің жүргізушісі оны басқара алмай, алдында тұрған, ішінде полицияның 28 жастағы қызметкері отырған "Лада" көлігімен соқтығысқаны айтылған.
"Лада" көлігінің жүргізушісі алған жарақаттарынан ауруханада көз жұмған. Ведомствоның ақпаратынша, полиция қызметкері кезекті еңбек демалысында болған.
Қазіргі уақытта Porsche жүргізушісі уақытша ұстау абақтысына қамалды. Аталған жол-көлік оқиғасы бойынша қылмыстық іс қозғалып, тергеу жүргізілуде.
Новости Казахстана
1
