Қасым-Жомарт Тоқаев Мюнхендегі қауіпсіздік конференциясына қатысады
Қасым-Жомарт Тоқаев Мюнхен қауіпсіздік конференциясына қатысады. Бұл туралы Парламент Сенатының төрағасы Twitter-дегі парақшасында жазды.
«Мемлекет басшысының тапсырмасы бойынша Мюнхен қауіпсіздік конференциясына (6-8 ақпан) қатысамын. Күн тәртібінде – Украина, Таяу Шығыс», — деп жазды Сенат спикері өзінің Twitter-дегі аккаунтында.
Естеріңізге салып өтсек, 6 ақпан күні Мюнхенде қауіпсіздік жөніндегі үш күндік 51-ші конференция басталады.
Конференцияға БҰҰ бұрынғы бас хатшысы Кофи Аннан, Amnesty International бас хатшысы Салил Шетти, Human Rights Watch директоры Кеннет Рот, сондай-ақ 20-ға жуық мемлекет пен үкімет басшылары, 60-қа жуық сыртқы істер мен қорғаныс министрі, 30 ірі халықаралық компанияның басшылары қатысады.
Мюнхен қауіпсіздік конференциясы 1962 жылдан бері жыл сайын өткізіліп келеді.
Новости Казахстана
3
