Тестохикли

"Қапқарашка" атымен таныс қазақстандық әнші Нұржан Керменбаев үйленетін болды. Әнші өз сүйіктісін қалай тапқаны жайлы КТК телеарнасының "Той бест стар" ток-шоуында айтты, — деп хабарлайды "Экспресс-К".

Керменбаевтың айтуынша, оның болашақ жары қазақтың салт-дәстүрін біліп өскен қыз. Ол қалыңдығын Тараз қаласында өткен концертінде кездестіріп қалған, қыз әншінің әндерін сүйіп тыңдайтын тыңдарманы болып шықты. Бұдан кейін бойжеткен "Қапқарашкамен" кездесіп, оның туған күніне сыйлық жасаған.

Әнші Instagram желісіндегі өз суреттерін бұл қыздың белсенді түрде талқылайтынын байқап қалған. Керменбаев болашақ жарын Алматы қаласына шақырып, анасымен таныстырды. Қалыңдық Нұржаннан алты жас кіші, бар болғаны 19 жаста. Жастардың тойы көктемге жоспарланды.

Нұржан Керменбаев 1989 жылы 17 ақпанда Қарағанды облысының Жезді ауылында туған. 2006 жылы ол Superstar.kz-3 телевизиялық шоуына қатысып, жеңімпаз атанды. 2009 жылы Жезқазған музыкалық колледжін тәмамдаған. Сол жылы әнші Қазақстанды Юрмаладағы "Новая волна" атты жас орындаушылардың халықаралық байқауында таныстырып, 14-орын алды.

Новости Казахстана